Mixe de Mixistlán Libro de Marcos Capítulo 11

From Wiki Name
Jump to navigation Jump to search

Marcos Capítulo 11[edit]

1 Ku ojts myintë Jerusalen, wyinkon mëët ma Betfage mëët Betania, ma kopk txëëwë olivos, Jesus nimetsk pyayoywyëtëjk tpakejxy. 2 Tnëjm´aay: "nëkxtë ma winkon kajp, na' wimpit ma ëtëm ixyam. Ku jam mjatët nits xpäátët tu´uk burro apatpnëm myëwëmpetyë, mati nijunë niti kyapatsemypy. Xmukajëtët nits xyëkmintët yaj. 3 Pën nitukën myëktëyë: "¿tikëx naj m´atë´ëtstë? naj miits x´atsotët niwintsën tsyekypy, jatyë ëëts nikxy nkex kojmë." 4 Nits ojts nyëkxtë, jatyë ojts tpaatë tu´ukë burro kyuwënyë tëk´akaj´aay matuwa´ajy nits tmukej´eetyë. 5 Nimay ijty jam jaaytë nits yëktëjëtë. ¿ tiko miits xmukajëtë burro? 6 Nits y´atsootë tsoom y´ijtytëj Jesus nyemxyë nits jaa'y myatstujtëtë nits nyékxtë. 7 Mati nimetsk pyayoywyë ojts burro ta´anëkxëtë Jesus nits tajëwëëntë kyukwop nits Jesus tapejty. 8 Muntuun ojts jaay tpëktä´äktë kyukwop tuu'ääy, jem mati pyëktaktë uts ääy mati y´ijtytë tpootë ka´m jotm. 9 Nimay ojts wyintuwëk´atyë, mëët mati yaxkektëp: "¡Hosanna! oynyexy matitë myiny wintsën xyëëw këxm. 10 Oynyexy ja oy´ajtën matitë myiny ëën nteety David xyëkëxm; ¡Hosanna! mati këxm. 11 Nits Jesus tyëjk´ëëy jetyë Jerusalen nits nyikxy tsaptikypy nits t´äxtujky të it tsyu´enyë, nits nyikxy Betania mëët jamakmetsk. (pyayoywyëtëjk). 12 ku wyimpitë Betania, të y´ijty Jesus yuj pyatyëj. 13 Ojts higuera kepy t´ixy jakem ku y´ijty yëk´eep y´ayëj, nits ojts t´anëkxë nits t´is´ixwa´any pën jem tyëëm. Ku ojts jyaty ma´m higuera kepy niti y´ijty tyëëm kyati´ity tum iääy jeyë y´ijty, kanëm y´ijty tiempë tpa´aty, ma higos tyëmët. 14 Nits higuera kepy tmukepxy: "nipën nikxy mtëëm ka jeekxyë. "pyayoywyëtëjk tmatooy tso wya´any Jesus. 15 Ku jya´atë Jerusalen, nits jetyë tyëjk´ëëy tsaptikypy, nits tkexpitsëm këjxy tëkwimpy to´okpëtëjk mëët juwyëtëjk ´pënjety y´ijty jep tsaptikypy. Nits tijkitakëjxaay , meeny yëkwakxpë kyompejt mëët je tsyënëwyejt mati pak tyojktëp. 16 Jesus Ka'a naj tkupëjky jats jaay tyooky tyëknëkxtët tsaptikypy. 17 Nits yëk´ixpëjky nits tnëjm´aay "¿Ke´emts jep naj jaywyety y´ity: " Ku ëtsën tëjk jaxyëwëp nu´ukxtajkën tëjk jats tukëyë tu´uk naxwiiny"? jets miits nayëtë xyëkwimpitnëtë yë´ë tëjk tso´om a´nk ma´am meetspëtëjk tsyënëtyajk. 18 Te'ety nyiwintsentë me'et jaywyëtëjk (escribas) kunaj tmato'otë tsotë ye'ny, jets t´ixtetyë tso y´ixë tyëk´ooktët tsëjk´etyëp je y´ijty ku kawinëmpy jä'äy atëy tatankëxtë tsoyëk´ixpeky. 19 Ux ux Jesus më´ët pyayoywyëtëjk tnike´ektë mëjkäjp 20 Ku jëm y´ijty jokyë yoyëtitë, ojts t´ixte higuera kepy të nyikxnë tukëyë mëët y´aats. 21 Pedro jaaymyejtsy jets wya´any: Rabí, axtuk, higuera yë´ë mati ojts xkaoytyi´jy të nyikxnë. 22 Jesus y´atso´ëmpijtë: Mëtëtëj mjentsyawën Dioskëxm. 23 Tyey´ajtëm ëts nwa´any, opyënë pëm pën kopk nyëjmjeepy: putë´ëk nëkx maaxnyëjotm, pën pënts y´am jyotm tu´ukwinmaany naj tkepxytëj jats ka´a wyinmaany tyëkmetskëj tunëptsënaj tsotëye´eny tyu´ump Dios. 24 Tikëx ëts nwa´any; tukëyë mati nu´ukxtaktep jats x´amatowtë teyjawëtë ku xcuentëpëktë këmtsaxajët. 25 Ku mputëktët jats mnukxta´aktët, mekxtukp mits muku´uk jats naynyaj mteety ajtën mati tsapjotm me´ekxtujkxyëtëp mtako´ny. 26 Pën miits ke´e xmeekxtu'ktë, naynyaj mte'ety ajtën mati tsapjotm ke´e mtako´ny mekxtujkxyëtët. 27 Atukyajë ojts nyëkxtë Jerusalen. Jäm y´ijty Jesus yoyëtity tsaptikypy, nits ojts y´anëkx´atyëtë teety nyiwintsën, më´ët jaywyëtëjktë (escribas) më´ët mëjaaytyëjktë. 28 Jats nyë´ëmxëtë: ¿Ti kutu´jk mëët yë najxtuny? ¿pëny´ë na kutujk të moyë jats najxtu´nt? 29 Jesus nyëmxëtë: miits xya´m nyëktëwantëp. Nikapxtë nits miits nwajnët ti kutujk mëët ëtsyë ntuny. 30 Ku y´ijty Juan yëknëpety, ¿tsapwiin y´ijty jye´e ok ya'aytyëjkjä'äy jye´e? atsoompitë. 31 Ojts nyakyapxyëtë tu'uk janitu'uk, nyay´ojëtë jats nyayenyëtë: ku njawanën ma'aty tsapwin namyë´ë wya´ant: ¿Tikëx ojts xkatëyjawëtë?. 32 ¿Ku n´awanën, ya'aytyëkjä'äy yë jye´e? jaay ijty tsëjk´etyëp , tikëx ku ijty wya´antë ku Juan je´e y´ijty matyakpë (profeta). 33 Nitnëm ojts Jesus t´atsowtë nits tnëjm´atyë: kë´e ëëts nijawë. Jesus ojts nyemxyëtë: ëts naynyaj ka´a nikapxt puti kutujkën mëët ëtsyënaj ntu´ny.